Dicuritokan: Barlius Chaniago.
Namo no Syarifuddin, panggilan Pudin alias Saripud. Kanti iyo, sanak iyo, ciek pandam pakuburan. Sahilia samudiak, salapiak sakatiduran sajak kaciak. Konon dulu tangaran Pudin pernah balatiah tinju di sabuah sasana di Kota Bukittinggi. Ano nio mengikuti jajak Thomas Americo, karano bantuak no agak saroman jo petinju asal Timor Timur tun. Katiko basikola di esde, Pudin acok batinju. Sado urang diagono, tamasuak urang nan gadang badan daripado no. Tapi Pudin gagal jadi petinju tanamo, walau lah balatiah babulan2.
Katiko ka kampuang, taraso langang. Kanti nan dulu samo main kalereng, main rago limau, main gasiang, main lakak padang (patok lele kecek urang daerah lain) tiok patang hari, main oto2 di malam2 bulan puaso, samo2 bajojo roti buatan Sidi Koto Laweh sabalik Tilatang Kamang pado bulan puaso, bagabalo bantiang jo kabau, sebagian lah berpulang ka Rahmatullah. Batamu Pudin taraso meubek kerinduan kawan lamo. Pudin konsisten, sampai kini tatap gubalo kabau. Ampek kabau ano gubaloan. Semoga Pudin panjang umua, sehat, setia manjago kampuang.***