Mak-Adang.com menurunkan satu kisah menarik tentang Mamak Awak. Berikut ini.
***
Mamak awak mangaku sabana santiang juo bagak. Sijak sapakan lalu, nyo diangkek manjadi Tuo Bagak nagari salingkaran Gunuang Marapi.
Diundanglah Mamak awak ka situ. Disenseng e langan baju, pacayo diri baso inyo sabana santiang.
Mamak awak disambuik jo tari pasambahan. Indak lupo bapantun jo patatah-patitih. Paragaan silek tradisi lengkap jo jurus langkah ampek tamasuk serang jo sambuik golok jo karih la tabao sato.
Batapuak tangan anak nagari sabana baharago Mamak Awak di nagari urang.
La sapakan sudah malewakan adat sebagai Tuo Bagak, Mamak Awak pulang ka nagari baradat.
Mukonyo sambok bantuak kurang lalok. Tanago layua. Mato lindok pulo.
Apo sabab Mamak? Tanyo kamanakan Mak Adang di Kapalo Balai.
Antahlah nakan. Mambayia kiro e jadi Tuo Bagak tu. Baitu kece mamak.
Indak lo saketek doh nakan, 16 gantang ameh.
Haaaa.
Mambayia Mak.
A guno e Mamak jadi rang bagak. Awak bagak ko makin baraka Mak. Inyo nan ka mambayia ka bangun.
Itulah yang terjadi. Jawab Mamak
Mamak Awak nan acok balagak santiang kini takicuah di nan tarang. Indak lo saketek. Cuma 16 gantang ameh.
Ampun den Mak. Kok bisa mamiliah baranganti dek ba mamak ka mamak.
Bisuak ari, soal Mamak takicuah tu la banyak nan malupoan. Tasabab kaba di Nagari Baradat sabana kalencong meong kini. ( Andi Mulya )