11 Januari 2018 naskah ini ditulis merespon anak cadel yang kala itu mulut telah jadi harimau baginya.
Kotu Mak Adang baru jadi jurutuli di pusek nagari, ado Surang anak ngenek nan pandai balogua. Si Buyung Jua namonyo. Loguanyo nan tasobuk kotu tu Kacau den Kacau. Aia ko den kacau kacau. Sudah den kacau aden pun maracau racau. Urang sosek nan penting den dapek piti sakobek.
Salain pandai balogua…nyo pandai bulo manjojokan galehnyo. Jadilah nyo bakuliliang nagari manjojokan suaro.
Pagi potang suaro e se nan tadonga di tipi. Jadi pangacau sasuai logua nyo mamang la bak moncik. Sijak dari ketek la bulek ikuanyo.
Mak Adang dek nda segeh jo dunie logua goh.. nda tau jo anak jihin surang ko. Tapi ado kawan Mak Adang nan acok manulih dunia tereteren. Hiburan baso modernnyo.
A kece kawan Mak Adang tu?
Baa nda ka putuh putuh nyo balogua. Ande jo ayahe dari anak goh dapek makan. Jadi ate em paja ngenrk goh. Ibo lo awak.
Sabab guru sakola paja ngenek goh la angkek tangan. Baa ka naiak. Sakola nda parnah masuak.
Lamo nda tadanga sudah nyo mangacau ngacau. sapokan ko kalua jihinnyo dari batang baringin nan bahantu.
Langsuang urang sumbayang jo ka surau nan diresek e. Langsuang pulo urang takona loguanyo. Kacau den kacau cako.
Haha ha.
Memang dari ulu tu bana aia goh koruahnyo.
Mak Uniang nan nda tau curito koh iyoh batuka duduak e, madok ka Mak Adang nan suda maisok kopi di Ladang Bianau.
O baitu cito e Mak Adang? Urang pandai malogua…tapi sakola tenggih juo. Ko kece e ketek toru jo umuanyo.
Kotu ketek kacau mangacau sonang urang. Kotu la godang..nda laku jojoan ko lai.
Ha urang sumbayang nan diresek e… kanciang kanciangi la paja setan ko di sarawa.
Alun datang pandeka basiragam manjopuk…nyo la dulu maagia sesajian nasi lomak puluk jo pisang bak madok ka dukun kurano takuk.
Ha itu iyo pandai Mak Uniang lah tu manjalehan.
Saluang nan ka manyampaia tu, semba Mak Adang. Sambia ka Surau Bianau maambiak aia sumbayang Dhuha.