Mak-adang.com, JAKARTA.
Datuak nan sorang ko adolah urang masua di nagari baradat. Badan tinggi gagah. Kulik putiah. galak manih, muko bakilek bak Cino suda mandi.
Sijak mudo lah nampak gagahe. Sakola tenggih, santiang basilek, bakajo pulo di pakumpulan dubalang nagari. Samakin santiang Datuak ko memakai sado alat jo sanjato. Bakeh sagan dek urang bantuak lai ka sanang bakawan jo baliau.
Info Baru : ANIES : ‘KITA SIAP MELAWAN’
Kutika la ba pangkek tenggih, inyo takana pulang kampuang. Sasuai bana ji pasan adat: Karatau madang di hulu babua babungo balun. Marantau bujang daulu, di kampuang paguno balun.
Kutiko pangka langan lah gadang, tenju lah padek, mangecek bapidato lah santiang, Datuak maadu nasib ka kampuang. Bak Hitler nan marabuik kuaso dari kaum bangsawan, Datuak maadu untuang bakuaso dalam nagari baradat.
Elok ka nasib ado sajo nan manolong Datuak ka jadi panguaso. Sasuai jo sipaik nan dipakai salamo ko, akianyo lamo-lamo makin banyak urang tapadayo. Datuak makin didukuang dan makin batambah masonyo mamarenta nagari baradat.
Kisah Surau Tuo (20): INI KATA SOSIOLOG TERKEMUKA ASAL MINANG TENTANG ‘MAMAKIAH’
Ado tigo sipaik Datuak nan dipakai untuk batahan dan salamaik mamarenta. Ciek : manjilek ka ateh. Datuak dikenal loyal. Lai takaik ka nan diateh, Datuak nan pandeka bak kuciang dimuko lidi. Lindok mato, elok bantuak, bantuak ilang sado sipaik buruk.
Kaduo: musang babulu ayam. Datuak acok manipu jo basandiwara. Dimuko urang banyak inyo bajanji sagalo antah. Ka mambangun, ka manyumbang, ka mambantu.
Tapi nan pacayo cuma nan baru tau sia Datuak. Kalau mancaliak nan salamoko, urang arih bijaksano manyimpulkan aa nan sabaliknyo nan dikecean Datuak, itulah wee nan sabananyo.
Kaba Pemilu: PRABOWO: “HADIR 600 RIBU PENDUKUNG SEJAK PUKUL 09.00”
Kok nampak sapinteh bak wali atau ungku surau, sabana e ka code se. Parangai langkok nan ndan bisa ditiru: manipu, mamakan nan haram, baduto, dan bakianat. Tapi kalau ado acara pontiang agama, inyo pulo nan maju maagia kutuba.
Ampia sajo tajadi kutiko satu kali inyo manyumbayang mayik. Inyo pulo maju jadi imam. Ketiko salasai takbir Datuak rukuak jo sujuik. Heran urang sanagari. Baa curito e ko Datuak. Indak ado sujuik di sumbayang mayik doh?
“Iko mayik doso e talalu banyak, jadi harus sujuik mamintakan ampun,” jawek Datuak. Ado se tipu e walau sala.
Minangkabau dan Perubahan (4): MENGAPA ORANG MINANG MERANTAU
Katigo: Datuak palupo. Inyo bisa mengecek apo sajo. Tapi ciek juo ndak ditapek i. Karano pengikut Datuak banyak nan ndak baraka pulo kini lei, Datuak dibelanyo pulo. Babarapo anak surau lah tau Datuak ko munafiak. Bakato duto, bajanji mungkia, ndak pulo bisa dipacayo.
Tapi dek pengikutnyo nan banyak andia, disabuik sajo Datuak palupo. Inyo sibuk.
Di musim kini piliah mamiliah, Datuak bausao maruba parangai. Nan biaso kaco oto itam batutuik malasau co patuih pulo lari oto e. Kini Datuak la mambuka kaco, lambek-lambek manurun dari mudiak. Kok dapek ado urang nan nio basalam. Sampang kok iyo, baagiakan karatu namo sakali. Piliah Datuak Fesbuk nomor tigo dari pincik paratai koalisi parubahan.
Kok kurang jaleh, caliak dindiang oto Datuak, Datuak Fesbuk Paduko Alam. Tatulih gadang-gadang. Sairing Datuak banyak induak samang, gamba Datuak tapasang di pusek nagari sampai ka pabatasan Minangkabau lamo. Kok iyo manjadi, lah bapangkek tenggih lo Datuak Fesbuk.
Orang-orang di Rumah Sakit (6): DATUK CORONA DAN ‘DINASTI’ BISNIS KELUARGA
Tapi baa sabana nan tajadi? Pacayo urang nagari baradat? Indak. Datuak bak kece panulih Amerika: bisa bajanji mambangun jambatan di tampek nan ado sungainyo.
Itu kalau dalam bajanji. Takaik jo sampilik e, urang kampuang mengecek amua inyo baragia, kalau lai pandai manipunyo. Kok ka elok-elok sajo, ndak kan ado Datuak kakalua piti.
Sahinggo kini la tasabuik bana dek acok baduto urang Nagari baradat maagia namo Datuak Fesbuk Panduto Alam.
Jadi lai tapiliah Datuak ko isuak Mak Adang? Baitu tanyo kamanakan tadi malam di lapau Man Polo. Antah la nakan, caliak sajo bisuak. Mura se nyo kok iyo tapiliah, iyo lah pamurah Datuak namo e serangan fajar. Kaduo kok iyo urang la lupo a parangai Datuak ko.
Soal dukuang-mandukuang waden ndak sato doh nakan. Kamanakan nan lai sapaham ko pun maanguak-angguak puyuah. Datuak F Panduto oh panduto. (andi mulya).
foto: layar tangkap istock.
Kabar dari Turkiye (10) INI HARAPAN DUNIA SETELAH ERDOGAN MENANG
Gelar Datuak Fesbuk paduko Alam, ini gelar Dtk dalam cerita fenomena kekinian, semoga saja tidak kita temukan Dtk yang sebenarnya di kampung halaman. Sifat dan karakter Dtk ini hanya kita lihat dan dibaca di medsos. Karena Dtk di kampung harus mengemban tugas dan fungsi Dtk sesuai dengan adat yang dipakai. Terimakasih.
Kalau pun ada. Semoga sekarang sudah tiada uda Munadi. Tk banyak.